વલસાડ
વલસાડ-ડાંગ લોકસભાની બેઠક કોણ જીતશે? તેની વચ્ચે 4 જૂન 2024 મંગળવારે મતગણતરીની પ્રક્રિયા હાથ ધરાઈ હતી. શરૂઆતના રાઉન્ડ થી ભાજપ આગળ રહ્યું હતું. શહેરી વિસ્તારની જંગી લીડના કારણે ભાજપના ઉમેદવારોને સફળતા મળી હતી.
વલસાડ-ડાંગ 7 વિધાનસભાની વાત કરીએ તો વાંસદા અને કપરાડામાં કોંગ્રેસને લીડ મળી હતી.ધરમપુરમાં પણ કોંગ્રેસને પાતળી સરસાઈ રહી હતી. અપેક્ષા મુજબ આદિવાસી વિસ્તારમાં કોંગ્રેસને જંગી મતો મળ્યા ન હતા.
બીજી બાજુ ભાજપ વલસાડ, પારડી, ઉમરગામમાં આગળ રહ્યું હતું. શહેરી વિસ્તારની સાથે આદિવાસી વિસ્તાર ડાંગમાં પણ ભાજપે લીડ મેળવી હતી.જેના કારણે કોંગ્રેસને હારનો સામનો કરવો પડયો હતો.
વલસાડ વિધાનસભા બેઠકમાંથી ભાજપને 106699 મતોની લીડ મળી હતી. વાંસદાના ધારાસભ્ય અનંત પટેલને પોતાની વિધાનસભામાં 31778 મતોની જ લીડ મળી હતી.
ભાજપના ધવલ પટેલને મળેલ મત 764226, કોંગ્રેસના અનંત પટેલને મળેલ મત 553522 ભાજપના ધવલ પટેલનો 210704 મતથી વિજય થયો છે.
7 વિધાનસભામાં મતોનું અંતર:
બેઠક ભાજપ કોંગ્રેસ લીડ
ડાંગ 75728 74028 1700
વાંસદા 92508 124286 31778
ધરમપુર 93932 97957 4025
કપરાડા 92564 115790 23226
પારડી 125737 48012 77725
ઉમરગામ 135879 49346 86533
વલસાડ 144587 37888 106699
સંદર્ભ: દિવ્ય ભાસ્કર સમાચાર