વલસાડઃ ધરમપુર
“સબસે દૂર, સબસે પહેલે” ના સંકલ્પને સાર્થક કરતો એક અદભુત પ્રયાસ!
વલસાડ જિલ્લાના ધરમપુર તાલુકાના ધારાસભ્ય અરવિંદભાઈ પટેલ દ્વારા આદિવાસી વિસ્તારમાં વિવિધ કલ્યાણકારી યોજનાઓનો લાભ તેમના જ ગામમાં કે નજીકના વિસ્તાર મળે તે હેતુ થી સેવાકીય કાર્ય કરવામાં આવી રહ્યું છે.
જેમાં ધરમપુર તાલુકાના માકડબન અને આંબાતલાટ ગામ ખાતે આયોજિત ‘ધરતી આબા જનજાતિય ગ્રામ ઉત્કર્ષ અભિયાન (DA-JGUA)’ અને ‘પ્રધાનમંત્રી જનજાતિય ન્યાય મહા અભિયાન’નું આયોજન કરવામાં આવ્યું.
કાર્યક્રમ અંતર્ગત જન-જાગૃતિ અવેરનેસ અને સેવા કેમ્પ કરવામાં આવ્યા, જેમાં આજુબાજુ ગામના લોકોએ સહભાગી થઈ વિવિધ કલ્યાણકારી યોજનાઓ લાભ લીધો.
સદર કાર્યક્રમમાં આદિવાસી સમાજના ભાઈ-બહેનોને સરકારશ્રીની વિવિધ કલ્યાણકારી યોજનાઓનો સીધો લાભ એક જ જગ્યાએથી મળી રહે તે માટે આ કેમ્પનું સુંદર આયોજન કરવામાં આવ્યું હતું.
વધુમાં માનનીય ધારાસભ્ય અરવિંદભાઈ પટેલે જણાવ્યું કે સ્થાનિક લોકોની વ્યાપક જનભાગીદારી જોઈને ખૂબ આનંદ થયો. આ નિમિત્તે તમામ વિભાગના અધિકારીશ્રીઓ તથા મોટી સંખ્યામાં લાભાર્થી ભાઈઓ-બહેનો ઉપસ્થિત રહ્યા હતા.